நிலா..இரவுகள்

துரத்தி பிடித்த நிலா நாட்கள்..
நிலா கண்டுபிடிகாதிருக்க ஓடி ஒளிந்த மர இருட்டுதினங்கள்..
நான் பிடித்த நிலா அழகா.. நீ பிடித்த நிலா அழகா..
முற்றத்தில் முற்றுபெறாத நிலா சண்டைகள்..
முழு நிலா முன்னிரவில்..
முன் நீண்டிருக்கும் நிழல் துரத்தும் விளையாட்டு
உன் நிழல் நான் மிதிக்க ..
என் நிழல் நீ மிதிக்க.. துரத்திய ஓட்டதினங்கள்..
கூட்டாளிகள் தூங்கப்போன பின்..
என் தலை நிழல் மிதிக்க நானே முயன்ற முட்டாள்சுகங்கள்..
வால் கடிக்கும் நாய் போல..
அலை அழிக்காத மணல் கோட்டைகள்
மனதில் வசிக்கும் வாச நினைவுகள்..